27 April 2012 Koorreunie

Die DF-koor, onder leiding van hul entoesiatiese dirigent, mnr. Leon Starker, het opwindende planne vir 2012!

Daar word beoog om gedurende die langnaweek van 27 April 2012 ‘n koorreünie te hou waartydens ‘n groot koor- en orkeswerk in die nuwe DF-sentrum uitgevoer sal word. Die musiek in gedagte is dié van die Britse komponis, Karl Jenkins, se The Armed Man, a Mass for Peace. Luister gerus hierna by http://www.youtube.com/watch?v=ezFNIyyGT2o.

Huidige leerders en personeel, oudkoorlede, oudonderwysers, ouers, oudouers en enigeen wat ‘n verband met DF het, word genooi om te kom saamsing. So ook word beplan dat die orkes sal bestaan uit ‘n kern van professionele spelers wat aangevul word deur huidige en oudleerders, ouers en personeel.

As u graag deel van hierdie unieke geleentheid wil wees, voltooi asseblief die onderstaande vorm. Meer besonderhede sal later verskaf word, maar u is ook welkom om intussen die skool by (021)948 8781 te skakel of andersins vir Liza-Maré Coetzee by sterver30@gmail.com of André Grové by acgrove@gmail.com.

Ons sien uit na ‘n groot koor- en orkesfees saam met die Dee-Effers!

Vriendelike groete.

Joh Dorfling

SKOOLHOOF

11 September 2011